- Tíðindi, mentan og ítróttur
Eingin nýggjur tilburður
Eingin nýggjur tilburður
Tað er framvegis eingin sum er smittaður av korona. Og í morgin er ein mánaður liðin, síðani tann seinasti varð staðfestur at vera sjúkur
Sjúkrarøktarfrøðingur podar á Landssjúkrahúsinum.
Mynd: Bjarni Árting Rubeksen
21.05.2020 - 12:22
Tað upplýsir landslæknin, nú seinastu kanningarúrslitini eru tøk. tað byggir á 9.084 kanningar.
187 føroyingar hava fingið staðfest koronasmittuna, og allir eru frískir aftur.
98 kanningar vórðu gjørdar í gjár, og allar kanningarnar vóru negativar. Hendan mánaðin sum eingin er smittaður, eru 2.814 kanningar gjørdar.
Í dag, Kristi himmalferðardag verða ongar kanningar gjørdar, og tí verða næstu kanningarúrslitini almannakunngjørd leygardagin, upplýsir Heilsumálaráðið.
Er kopiera
Nýggjastu sendingar í ÚV
Nýggjastu sendingar í SV
