Breddin: Seyðahald, rúmdarferð og Hongkong

Treingir seyðahaldið í Føroyum til nýhugsan? Hvussu við djóravælferðini og fyrilitinum fyri náttúruni. Hevði meira komið burturúr við at lækka áseyðatalið og at hava seyðin inni um veturin?

Bøndur og seyðaáhugað fara at umrøða hesar spurningar í Breddanum í dag.

Fyri fyrstu ferð síðani 2011 sendir USA rúmdarmenn í einum amerikonskum rúmdarfar til altjóða rúmdarstøðina. Hetta verður av fleiri fatað sum ein søgulig hending.

Verða talufrælsið og onnur frælsisrættindi nú avmarkað í Hongkong? Ófriður er kyknaður aftur í Hongkong, eftir at Kina fer at seta eina trygdarlóg í gildi, sum stór mótstøða er ímóti.

Breddin í útvarpinum klokkan 17.05.