Kunna um triðja hjálparpakkan í morgin

Hjálparpakki 3 er liðugur, og í morgin verður skipað fyri tíðindafundi, har kunnað verður um høvuðstættirnar í hjálparpakkanum, boðar Løgmansskrivstovan frá.

Eisini verður kunnað um, hvussu meira verður latið upp í føroyska samfelagnum.

Tíðindafundurin verður í Kringvarpinum í morgin klokkan 11.

Bárður á Steig Nielsen, løgmaður, hevur sagt, at triði hjálparpakkin er serliga ætlaður ferðavinnuni, og hann verður lagdur fyri tingið í næstu viku.