Koronatest á Frúutrøð

Í gomlu kommunulæknaviðtaluni á Frúutrøð í Havn verða korona-royndir gjørdar ídag. Tað eru starvsfólk, sum arbeiða innan eldraøkið í Tórshavnar Kommunu, sum skulu potast.

Talan er um eina fyribils skipan, sum nú gongur á triðju viku.

Ingun Eidesgaard, eindarleiðari á heilsu- og umsorganartænastuni í Tórshavnar Kommunu, óttast at verjugarðarnir kring tey eldru og veiku í samfelagnum - sum síðstu vikurnar eru lækkaðir í tráð við at smittuvandin fór úr samfelagnum - nú skulu lagast uppaftur.

Óttin kemst av, at landamørkini eru latin upp, uttan at øll verða kannað fyri korona við markið.

Eyðun Christiansen, stjóri í Kommunufelagnum, og Naina Túgvustein, dygdarmennari í Heilsu- og Umsorganartænastuni hjá Tórshavnar Kommunu, vitjaðu á Breddanum ídag. Tey tosaðu um verjugarðin, sum nú skal laðast um tey eldru og veiku. Sendingin er at finna á breddanum til høgru.