Føroyar lata eisini upp fyri Evropa

27. juni fer Danmark at lata upp fyri mest sum øllum londum í Evropa.

Einastu undantøkini, sum støðan er júst nú, eru Svøríki og Portugal.

Latið verður upp fyri teimum londum, har smittutrýstið er lítið, boðaði uttanríkisráðharrin, Jeppe Kofod, frá fyrrapartin.

Yvirskipaða treytin í upplatingini er, at latið verður upp fyri teimum londum, sum hava færri enn 20 smittað fyri hvørjar 100.000 íbúgvar.

Portugal er á markinum - sum støðan er í Portugal nú eru 20,2 fólk smittað fyri hvørjar 100.000 íbúgvar

Í Svøríki eru munandi fleiri. Har eru 75,7 fólk smittaði fyri hvørjar 100.000 íbúgvar.

Nú Danmark letur meira upp fyri londum í Evropa, fara Føroyar at gera tað sama.

Hoyr samrøðu við Bárð á Steig Nielsen, løgmann, í útvarpstíðindunum.