Skitin olja steðgar oljufýringum

Ein last við skitnari olju hevur steðgað nógvum oljufýringum í Føroyum.

Oljulastin kom í vár. Magn fekk helvtina og Effo hina helvtina.

Men biologiskur vøkstur í oljuni ger, at ikki allar oljufýringar tola hana. Tær steðga.

Veitarin rindar útreiðslur

Boð hevur ofta verið eftir tænastumonnunum hjá oljufeløgunum at reinsa oljufýringarnar.

Í onkrum føri er neyðugt at skifta forvarmara ella dýsu.

Veitarin, Unioil Supply í Danmark, rindar føroysku oljufeløgunum tær útreiðslur, sum standast av hesari oljuni.

Viðskiftafólkini hjá oljufeløgunum skulu einki gjalda.