Hongkong: Kendur stríðsmaður tikin

Hongkong: Kendur stríðsmaður tikin
Fjølmiðla- og ríkmaðurin, Jimmy Lai, er skuldsettur fyri at samstarva við útlendsk áhugamál
Jimmy Lai, sum er kendur fyri at stríðast fyri fólkaræðinum, er handtikin í Hongkong
Mynd: AP  
 
10.08.2020 - 07:17

Ein av kendastu stríðsmonnunum fyri fólkaræði í Hongkong, Jimmy Lai, er tikin. Hann er skuldsettur fyri at samstarva við útlendsk áhugamál, skrivar tíðindastovan Reuters.

Jimmy Lai er tikin eftir trygdarlógini, sum varð sett í gildi í Hongkong tíðliga í summar. Einki verður kortini sagt um, hvørji útlendsk áhugamál talan er um.

Ein kelda í løgregluni váttar, at Jimmy Lai er tikin, og hann er skuldsettur fyri at samstarva við útlendsk áhugamál og fyri svik.

Leingi verið í stríð við myndugleikarnar 

Higartil hevur løgreglan í Hongkong tikið sjey fólk, sum hava skipað fyri mótmælum, síðani trygdarlógin varð sett í gildi í Hongkong.

Ríkmaðurin, Jimmy Lai, eigur fjølmiðlafyritøkuna, Next Digital. Hann hevur leingi verið í stríð við kinesisku myndugleikarnar, sum hann sigur køva alt fólkaræði í Hongkong.

Eftir at trygdarlógin varð sett í gildi í mai, segði hann við Reuters, at hann fór at verða verandi í Hongkong, og stríðast fyri demokratisku rættindunum, hóast hann var í vanda fyri at verða tikin.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442
Sunnudag 15. november
Eitt dýpi av dýrari tíð 2:2
216214