Byggja nú nýggjan dagstovn í Eysturkommunu

Hakin er nú settur í til nýggja barnagarðin í Eysturkommunu.

Tað var borgarstjórin í Eysturkommunu, Jóhan Christiansen, ið loysti fyrsta flagið.

Nýggi dagstovnurin, sum fer at eita Gjái, verður beint niðan fyri viðarlundina við Gøtugjógv.

1300 fermetrar

Gjái verður umleið 1300 fermetrar, í tveimum hæddum, og stovnurin fer at hýsa fýra barnagarðsstovum og fýra vøggustovum. Harumframt vera inngongd, vesi, garderobur, goymlsurúm og annað. Framman fyri bygningin verður spæliøki.

Pláss verður fyri 112 vøggustovu- og barnagarðsbørnum í nýggja dagstovninum.

Osbjørn Jacobsen Arkitektar hava teknað stovnin.  Øll verkætlanin kostar 54 milliónir krónur, og arbeiðið skal vera liðugt við árslok í 2021.