18 leiguíbúðir í Fuglafirði

18 leiguíbúðir skulu byggjast við Toftanesveg í Fuglafirði. 

Partafelagið Toftanes hevur keypt byggilendið frá kommununi, og útgrevsturin verður boðin út nú.

Íbúðirnar vera góðar 90 fermetrar hvør. Tær skulu vera lidnar í 2022.

Fólk, sum eru eldri enn 60 ár, hava framíhjárætt til at leiga í minsta lagi 35 prosent av íbúðunum, ella sjey íbúðir.

Avtala um leigumál kann verða gjørd longu nú, siga Fuglafjarðar kommuna og partafelagið Toftanes í tíðindaskrivi.