Gáloysni elvir til skaða í ferðsluni

47 prosent av teimum, sum Lóður spurdi fyri Ráðið fyri ferðslutrygd, halda, at gáloysni er størsta orsøkin til, at fólk fær skaða í ferðsluni.

Einasta orsøk, sum er størri enn gáloysni, er ov nógv ferð, halda tey spurdu.    

Ráðið fyri ferðslutrygd fer nú undir eitt átak um gáloysni í ferðsluni.

Átakið byrjar í dag, og varar í tríggjar vikur. 

Ikki skjalfest í hagtølunum

Gáloysni er ikki nóg væl skjalfest í føroyskum hagtølum um ferðsluna, sigur Ráðið fyri ferðslutrygd. Men í grannalondunum vísa kanningar, at gáloysni er millum vanligastu orsakir til ferðsluóhapp og ferðsluvanlukkur.

Í 2018 varð ásett í Danmark, at fólk fáa klipp í koyrikortið fyri at tosa í handhildnari telefon, meðan tey koyra. 

Í ferðslutrygdarætlanini fyri Føroyar verður mælt til, at henda áseting eisini verður galdandi í Føroyum.