Skjótt klárt at byggja lutaíbúðir

Skjótt verður farið undir at byggja lutaíbúðirnar í Vági. Seks íbúðir eru í fyrra byggistiginum í Mýrunum.

Kommunan hevur givið byggiloyvi. Vágs kommuna, Bústaðir, Betri Banka og Norcon hava fingið í lag samstarv um byggingina.

Íbúðirnar eru 80 ella 90 fermetrar og hava ávikavist tvey og trý kømur. Innskotið er 310.000 krónur fyri 80 fermetrar og 350.000 krónur fyri 90 fermetrar.

Húsaleigan, sum eisini fevnir um streym og hita, viðlíkahald, trygging og annað, er 6.100 krónur um mánaðin. Ætlanin er, at seinna byggistigið verður á Stórheyggi fer í gongd eftir ársskiftið, um áhugi er fyri tí.