Nú er klárt at taka ímóti fyrstu gestunum

Nú er klárt at taka ímóti gestum á nýggja, altjóða hotellinum í Havn, Hilton Garden Inn Faroe Islands.

Hotellið letur upp á middegi.

Hotellið hevur 130 kømur, matstovu, barr, vælveruøki við uttandura gosbaði, hitarúm og venjingarhøli. 

Harumframt er trý stór fundarhøli og tvey smærri.

Matstovan, sum eitur Hallartún, og barrin hava opið hvønn dag, og hava eisini opið fyri uttanhýsis gestum.

Hallartún letur upp í kvøld klokkan 18, og pláss er fyri 90 gestum á matstovuni.

- Vit eru spent at taka ímóti fyrstu gestunum og veita teimum eina tænastuuppliving á altjóða stigi og føroyskum gestablídni, sigur Martin Restorff, stjóri á Hotel Hilton.