Verkfall hóttir trygdina á Landssjúkrahúsinum

Tað stendur í botni í sáttmálatrætuni millum Sjúkrarøktarfrøðingarnar og Lønardeildina, eftir at Semingsstovnurin seinnapartin gjørdi eina miseydnaða roynd at fáa partarnar aftur til samráðingarborðið. Tvørturímóti verður verkfallið hert mánamorgunin, tá sjúkrarøktarfrøðingarnir á B6 á Landssjúkrahúsinum eisini fara í verkfall. 

Stjórin á Landssjúkrahúsinum biður um undantøk fyri at kalla øll starvsfólkini á deildini. Og fær hann ikki tað, so er støðan somikið hættislig, at politiska skipanin má leggja uppí, sigur Steinar Eirikstoft.