Kanning: Fólk velja ikki valevni eftir útbúgvingum

Fólk, sum fara á kommunuval týsdagin 10. november, leggja lítið í, um valevnið, tey atkvøða fyri, er sjómaður ella sakførari. Tað vísir nýggj spurnakanning, spyr.fo hevur gjørt fyri Breddan.

Sí øll tey útgreinaðu tølini niðanfyri

Næstan annarhvør veljari í kanningini sigur, at útbúgvingarstigið hjá valevninum hevur "als ongan týdning", og bara seks prosent av teimum spurdu siga, útbúgvingin hjá valevninum "hevur sera stóran týdning."

Aldurin á valevninum hevur heldur ikki tað stóra at siga fyri, hvønn fólk ætla sær at velja á kommunuvalinum. Minni enn seks prosent siga, at aldurin á valevninum hevur "sera stóran týdning."

Sí øll tey útgreinaðu tølini í spurnakanningini, sum varð gjørd í gjárkvøldið, niðan fyri her. Trýst á teir ymisku stabbarnar fyri neyv tøl. Tølini í grafikkinum eru í prosentum.

Meira verður at frætta um kommunuvalið og tølini í spurnakanningini í Breddanum í útvarpinum klokkan 17:05.