– Eg eri so takksom

– Fyri fýra árum síðan segði eg nei, tá tey bóðu meg stilla upp, men hesa ferð segði eg ja, og eg eri ovfarin av stuðlinum, eg havi fingið.

Soleiðis sigur Eyð Ellingsgaard, sum stillaði upp á lista B í Sørvágs kommunu, og fær hon borgarstjórasessin í boði, so takkar hon ja.

Eisini veit hon, hvat liggur á arbeiðsborðinum hjá nýggja kommunustýrinum, tá tað fer til verka, tí fremst liggur nýggja vøggustovan, og síðan er tað høllin, sum nærum øll valevnini ynskja sær.

Atkvøðurnar hjá nývalda kommunustýrinum eru hesar:

Eyð Ellingsgaard - 126 atkvøður

Jóhan Mikkelsen - 69 atkvøður

Hugin Skaalum - 66 atkvøður

Elsebeth Davidsen - 58 atkvøður

Jón Joensen - 48 atkvøður

Jóhan Frói á Ørg - 47 atkvøður

Sune Jacobsen - 46 atkvøður