Liljan Weihe stjóri á Visit Tórshavn

Liljan Weihe verður nýggjur stjóri á Visit Tórshavn, og hon tekur við starvinum eftir ársskiftið.

LIljan Weihe er 41 ára gomul og útbúgvin samfelagsfrøðingur og journalistur á lærda háskúlanum í Roskilde.

Hon hevur m.a. verið deildarleiðari í Kringvarpinum, og nú kemur hon úr einum starvi sum ráðgevi hjá Sambandsflokkinum á fólkatingi.

Fremsta uppgávan hjá stjóranum og toyminum á Visit Tórshavn er at vekja áhuga fyri býnum og bygdunum í kommununi, og at tæna borgarum, ferðafólki og handilsvinnuni í høvuðsstaðnum.

Seks fólk starvast á Visit Tórshavn.