Býráðið í Klaksvík skipar seg í kvøld

Nývalda býráðið í Klaksvík fer at skipa seg í kvøld.

Á fundinum verða borgarstjóri, varaborgarstjóri og nevndirnar valdar.

Fyrstvaldi býráðslimurin, Atli S. Justinussen í Fólkaflokkinum, setir fundin í kvøld.

Fólkaflokkurin, Sambandsflokkurin og Tjóðveldi eru í meirilutanum í nýggja býráðnum.

Tey hava sjey av 11 býráðslimum.

Karl Johansen í Sambandsflokkinum verður borgarstjóri í Klaksvíkar kommunu.