Amerikanskur njósnari flytur til Ísraels

66 ára gamli Jonathan Pollard, sum í 1985 varð fongslaður í USA fyri at hava njósnast til frama fyri Ísrael, sleppur nú til Ísraels at búseta seg.

Tað skrivar tíðindastovan, AFP.

Pollard starvaðist sum fregnartænastugreinari fyri amerikansku stjórnina í áttatiárunum, og tá útflýggjaði hann Ísrael nógv loynilig skjøl og upplýsingar.

Hann varð latin leysur í 2015, treytað av at hann skuldi verða verandi í USA í fimm ár.

Royndartíðin er av, og Pollard er nú latin leysur, sigur amerikanska løgmálaráðið.

Tá hann varð fongslaður í 1985, segði Jonathan Pollard, sum er jødi, at hann ætlaði sær at flyta til Ísraels. 

Hann fekk ísraelskan ríkisborgararætt í 1995.