Kvinnuhúsið nógv fleiri fráboðanir um harðskap

Kvinnuhúsið í Havn fær nógv fleiri fráboðanir um harðskap í ár enn nakað annað ár.

Higartil í ár eru komnar 648 fráboðanir, 116 fleiri enn alt árið í fjør og 114 fleiri enn í fyrraárið. 

Vøksturin er 50 prosent síðani 2018.

Tølini eru í tíðindabrævi frá Kvinnuhúsinum, Kvinnufelagnum í Havn og Amnesty International Føroyar.

Altjóða dagur móti harðskapi

25.november, sum er í dag, er altjóða dagur móti harðskapi móti kvinnum.

Teir tríggir felagsskapirnar mæla til at gera okkurt við hendan samfelagstrupulleikan, sum teir siga, so talið næsta ár verður minni enn í ár.
 
Serliga nógvur harðskapur, har annar ella báðir partar eru rúsaðir, eru fráboðaðir í ár. Vøksturin er 256 prosent.