Vár Hansen vil vinna stóru heitini

Vár Hansen, sum kappaðist í tungvekt fyri U23-aldursbólkin á 2.000 metra teininum, stóð seg væl í EM-kappingini í inniróðri, sum var um vikuskiftið.

Hon endaði á fjórða plássi á 2.000 metrum, og sunnudagin fekk hon triðja plássið á 500 metra teininum.

Fleirfaldi heims- og evropameistarin, Sarita Kristina Hansen, sum endurvann EM leygardagin, er ein stór fyrimynd hjá 19 ára gomlu Vár, og eitt mál hjá unga rógvaranum hevur verið, at taka bestu tíðina hjá Saritu á 2000 metrum.

Hetta eydnaðist eisini Vár, sum nú siktar hægri og ætlar sær at vinna evropa- og heimsmeistaraheiti.