Fara nú at venda sær til norsku skipasmiðjuna

Strandferðslan fer nú at venda sær til norsku skipasmiðjuna, sum hevur smíðað Erlu Kongsdóttir.

Tað sigur Hilmar Eliasen, stjóri á Strandferðsluni, eftir hendingina, tá rútar brotnaðu á nýggja avloysaraskipinum, sum var á veg til Havnar úr Nólsoy fyrrapartin.

Rútarnir brotnaðu í borðinum, sum var í le, og sostatt var tað ikki sjógvur, sum breyt rútarnar, sigur hann.

Tað er óvist, nær Erla Kongsdóttir fer aftur í sigling.

Fyribils røkir Hasfjord siglingina um Nólsoyarfjørð.

Hoyr samrøðu, sum Emil Lisberg Jacobsen gjørdi við Hilmar Eliasen í utvarpstíðindunum.