Hasfjord siglir fyri Erlu Kongsdóttir

At rútar brotnaðu á Erlu Kongsdóttir á veg úr Nólsoy til Havnar fyrrapartin, hevur við sær, at Erla Kongsdóttir er tikin úr sigling.

Hasfjord røkir siglingina um Nólsoyarfjørð fyribils. Hon tekur 12 ferðafólk.

Ferðaætlanin sæst á ssl.fo

Ógreitt er, nær Erla Kongsdóttir fer aftur í sigling.

Hilmar Eliasen, stjóri á Strandferðsluni, sigur, at Strandferðslan fer nú at venda sær til norsku skipasmiðjuna, sum hevur smíðað Erlu Kongsdóttir.

Tekniska deildin hjá Strandferðsluni kannar eisini málið, men tað er greitt, at rútarnir brotnaðu ikki, tí skipið fekk ein sjógv. Teir brotnaðu í le-borði.