Konsertsalur í gomlu svimjihøllini í Vági

Gamla svimjihøllin í Vágs skúla, sum fostraði størstu føroysku svimjistjørnuna, Pál Joensen, verður nú bygd um til ein konsertsal.

Tørvur er á einum sali í býnum, sum kann brúkast til konsertir, sjónleik, at vísa film í, fyrilestrar og morgunsang, sigur Dennis Holm, borgarstjóri í Vági.

Í nýggja salinum verða umleið 200 sitipláss, umframt siti- og standipláss á balkongini kring salin og umstøður hjá rørslutarnaðum.