USA: Minst fýra deyð í ófriði

USA: Minst fýra deyð í ófriði
Ógvusligur ófriður tók seg í gjárkvøldið upp, tá kongressin skuldi góðkenna valið av Joe Biden
Vápnað løgreglufólk hyggja at, tá mótmælisfólk í gjárkvøldið royndu at koma sær inn í tjóðartingið
Mynd: AP  
 
07.01.2021 - 06:47

Fýra fólk eru deyð í ófriði í USA í sambandi við, at amerikanska kongressin í gjárkvøldið formliga skuldi góðkenna valið av demokratinum Joe Biden til nýggjan forseta. 

Senatsvalið í Georgia í gjár hevði við sær, at staturin fyri fyrstu ferð í 20 ár fór at hava umboð fyri demokratiska flokkin í Senatinum.

Ikki bara eitt men bæði tvey umboðini og hetta gevur demokratunum meirilutan í bæði Senatinum og í umboðsmanntinginum og harvið Joe Biden og Kamalu Harris fríari ræsur komandi valskeið. 

Trump eggjaði fólki til at mótmæla

Donald Trump hevði fyrr um dagin hildið eina røðu fyri viðhaldsfólki í høvuðsstaðnum, har hann mælti til at mótmæla "stuldurin av valinum í november" og at fara til Capitol Hill fyri at vísa styrki og fyri at vísa, at einki skuldi verða tikið frá teimum.

Fleiri mistu tamarhaldið, og nógv viðhaldsfólk sluppu framvið trygdarfólkunum í tjóðartingsbygningin í Washington D.C.

Kongressin noyddist at støðga sínum arbeiði, og limirnir flýggjaðu. Í morgun er staðfest, at fýra fólk eru deyð í ófriðinum, skrivar DR.

Er kopiera
Nýggjastu sendingar í ÚV
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Mikudag 18. november
Heilsuhornið
216597
Týsdag 17. november
Vitan
216375
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470