Samgongukreppa í Grønlandi

Kreppan byrjaði, tá ið leiðslan í flokkinum Siumut boðaði frá, at borgarafundirnir um ætlaða námið norðan fyri Narsaq har suðuri í Grønlandi eiga at vera útsettir. Teir skuldu annars byrja í næstu viku.

Borgarafundir skulu vera í fimm plássum. Teir eru longu útsettir einaferð fyrr. Næstforkvinnan í Siumut, Vivian Motzfeldt, sigur, at ikki ber til at halda slíkar fundir, nú korona er.

Demokratarnir, sum eru í samgonguni, góðtaka als ikki hetta. Flokkurin ivast nógv í, um hann skal halda fram at stuðla samgonguni. Og Kim Kielsen, landsstýrisformaður, sigur seg ikki longur kenna flokk sín, Siumut, aftur.