Tveir ákærdir fyri álopið á Capitol Hill

Tveir ákærdir fyri álopið á Capitol Hill
Amerikanska løgmálaráðið hevur reist fyrstu ákærurnar í sambandi við álopið á Capitol Hill í Washington
 
30.01.2021 - 18:25

Samstundis lovar amerikanska samveldisløgreglan, FBI, øllum, sum kunnu geva upplýsingar um, hvør legði bumburnar nærindis bygninginum, góða samsýning. 

Løgmálaráðið hevur reist ákæru móti tveimum limum í høgravíðgongda bólkinum, Proud Boys.  Teir eru ákærdir fyri m.a. at hava samstarvað fyri at forða løgregluni í at gera sítt arbeiði. Í húsarannsókn heima hjá hesum báðum, fann løgreglan uppskriftir uppá at gera bumbur.

135 fólk eru handtikin í sambandi við uppreisturin tíðliga í hesum mánaðinum, men leitað verður framvegis eftir tí ella teimum, sum løgdu tvær rørbumbur við Capitol Hill náttina fyri álopið.

FBI hevur fleiri ferðir biðið almenninginum um hjálp til at finna tey seku, men til onga nyttu. FBI lovar nú øllum 100.000 dollarar, sum hava upplýsingar, ið kunnu vísa, hvør legði bumburnar. Upphæddin var upprunaliga 75.000 dollarar, men nú er hon hækkað upp í 100.000. Tað svarar til umleið 600.000 krónur.

FBI hevur illgruna um, at rørbumburnar skulu tarna løgregluni í sínum arbeiði, men av onkrari orsøk brustu bumburar ongantíð, skrivar Reuters.

Fimm fólk lótu lív í álopinum á Washington.

Er kopiera
Nýggjastu sendingar í ÚV
Mikudag 18. november
Skipsboð
216603
Mikudag 18. november
Heilsuhornið
216597
Týsdag 17. november
Vitan
216375
Týsdag 17. november
Vitan
216297
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470