Tekur við starvinum í dag

Í dag tekur Kristina Háfoss við sum stjóri í Norðurlandaráðnum.

Hon fer samstundis í farloyvi úr løgtinginum, og Páll á Reynatúgvu kemur í tingið sum varamaður.

Stjórastarvið í Norðurlandaráðnum er áramálssett í fimm ár, men kann leingjast við trimum árum aftrat.

Kristina Háfoss tekur við eftir Britt Bohlin, sum hevur verið stjóri síðani 2014.

Kristina Háfoss sigur við heimasíðuna hjá Norðurlandaráðnum, at hon millum annað fer at arbeiða fyri, at fólk kunnu ferðast millum norðurlond uttan forðingar.