Flogbóltur: Finalistarnir verða funnir í dag

Flogbóltur: Finalistarnir verða funnir í dag
Allar fýra hálvfinalurnar í steypakappingunum í flogbólti verða spældar í Klaksvík í dag. Til ber at síggja dystirnar á kvf.fo frá klokkan 13:00
Mjølnir úr Klakvík hevur vunnið steypakappingina tvey ár á rað
 
13.02.2021 - 09:50

Í dag verður greitt, hvør skal spæla í finalunum í steypakappingini í flogbólti 27. februar.

Allar fýra hálvfinalurnar - bæði hjá kvinnum og monnum - verða spældar í badmintonhøllini í Klaksvík í dag.

Ein greiður favorittur hjá kvinnum

Oddaliðið í landskappingini við kvinnum, SÍ, er greiður favorittur í dagsins fyrstu hálvfinalu. Sørvingarnir, sum hava vunnið allar sínar dystir í ár, spæla ímóti Mjølni úr Klaksvík.

Í hinari hálvfinaluni kann væntast ein spennandi og opin dystur millum Drátt og Fleyr. Seinast liðini hittust vann Dráttur 3-0, men øll settini vóru drúgv og jøvn.

ÍF og Mjølnir stórfavorittar

Hjá monnum eru ÍF og Mjølnir einráðandi í landskappingini. ÍF skal spæla ímóti SÍ, sum er botnlið, og fuglfirðingar eru stórfavorittar.

Í hinari hálvfinaluni er Mjølnir favorittur móti Fleyr.

Dystirnir verða stroymdir

Talan verður um ein drúgvan og spennandi flogbóltsdag í Klaksvík, har byrjað verður klokkan 13.00.

Allar fýra hálvfinalurnar verða stroymdar á kvf.fo, og spælt verður soleiðis:

13.00: SÍ - Mjølnir, Meistaradeild kvinnur

15.00: ÍF - SÍ, Meistaradeild menn

17.00: Dráttur - Fleyr, Meistaradeild kvinnur

19.00: Mjølnir - Fleyr, Meistaradeild menn

Sum altíð, tá ið talan er um flogbólt, kann henda, at onkur dystur endar við fimm settum, so tíðirnar eru vegleiðandi.

 

Er kopiera
Nýggjastu sendingar í ÚV
Týsdag 18. februar
Breddin: Nýggj tilmæli um skíggjaráð
187934
Týsdag 18. februar
Morgunlestur týsdagur 18.februar 2025
186671
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762