- Tíðindi, mentan og ítróttur
Kunnu fáa ókeypis tulk 20 tímar um árið
Kunnu fáa ókeypis tulk 20 tímar um árið
Sambært uppskoti um kunngerð, veitir Almannaverkið fýra sløg av tulking
Tulkatænastan varð nógv brúkt, tá landsstýrið skipaði fyri tíðindafundum um støðuna við koronu
Mynd: Bjarni Árting Rubeksen
16.02.2021 - 09:02
Eitt uppskot um kunngerð um tulkatænastu er gjørt og sent til hoyringar.
Uppskotið er gjørt við heimild í lógini frá í fjør um almannatrygd og tænastur.
Sambært uppskotinum kunnu fólk við ongari ella niðursettari hoyrn ella fólk, sum hava teknmál sum mál, fáa ókeypis tulk upp til 20 tímar um árið til, sum tað stendur í uppskotinum, at taka lut í samfelagslívi og sosialum lívi á jøvnum føti við onnur.
Tulkur verður veittur sambært umsókn til Almannaverkið.
Sambært uppskotinum veitir Almannaverkið fýra sløg av tulking: teknmálstulking, teknstuðlað samskifti, tak-til-tulking ella skrivitulking.
Er avlopsorka í tulkatænastuni, kunnu myndugleikar ella privat keypa hana.
Er kopiera
Nýggjastu sendingar í ÚV
Nýggjastu sendingar í SV
