Eingin smitta í gjár

Heldur ikki í gjár varð funnin nøkur koronusmitta í Føroyum. 309 kanningar vórðu gjørdar í gjár, og allar eru liðugt greinaðar. 

Tvey fólk í Føroyum hava koronu nú. Einki fólk er innlagt. Sjey fólk eru í sóttarhaldi.

Í gjár vórðu 326 fólk koppsett á Klaksvíkar sjúkrahúsi og á Landssjúkrahúsinum. 33 fólk fingu fyrra prikið og 293 fingu seinna prikið.

Tilsamans eru 5.682 fólk koppsett. 4.167 hava fingið fyrra prikið. 1515 hava fingið seinna prikið, og eru liðugt koppsett.