Sleppa ikki í bretskan sjógv

Eingin fiskiveiðiavtala er galdandi millum Bretland og Føroyar, og føroysk fiskifør hava í løtuni onga atgongd at fiska í bretskum sjóøki.

Føroysk uppsjóvarskip plaga at fiska makrel í bretskum sjógvi í januar mánaði, men tað hava tey ikki verið í ár.

Jacob Vestergaard, landsstýrismaður í fiskivinnumálum, sigur, at enn er støðan óviss.

Fæst semja ikki um atgongd at fiska í bretskum sjógvi seinni út á várið ella tíðliga í summar, mugu føroyskir myndugleikar taka støðu til, um vit skula áseta egnar kvotur, sigur Jacob Vestergaard.

Hoyr innslag í útvarpstíðindunum.