Tanum og Jósup sigla fyri Erlu Kongsdóttur

Strandferðslan boðar nú frá, at bjargingarbáturin Tanum og Jósup fara at sigla fyri Erlu Kongsdóttur, sum er tikin úr sigling, eftir at ein rútur brotnaði í morgun á veg úr Nólsoy til Havnar.

Tanum siglir túrin av Havnini klokkan 12.30 og úr Nólsoy klokkan 13.00.

Jósup siglir fyrsta túrin av Havnini klokkan 15.20, og røkir siglingina fyri Erlu Kongsdóttur næstu dagarnar, sigur Strandferðslan.