Sarita heimsmeistari á 500 metrum

Sarita Kristina Hansen er heimsmeistari í inniróðri á 500 metra teininum í lættvektsbólkinum, 30-39 ár. Hon róði teinin uppá 1:39,4 og setti somuleiðis persónligt met.

HM í inniróðri er hesa vikuna, og hetta er fyrsti dagur hjá føroysku rógvarunum. Seks føroyskir rógvarar taka lut í heimsmeistaraheitunum, og vegna koronu sita tey í Føroyum og rógva.

Tey skulu eisini rógva mikudagin og leygardagin. Róðrarsambandið stroymir kappingina á facebook-vanganum hjá sær.