Borgarafundur um vindmyllurnar á Eiði

Týsdagin 16. mars verður borgarafundur á Eiði í sambandi við ætlanina hjá SEV at seta fýra vindmyllur upp í haganum "Suðurhelvt."

Umboð frá SEV fara at greiða frá og svara spurningum.

SEV ætlar at fáa tær fýra vindmyllurnar settar upp í ár, men treytin er, at felagið fær øll neyðug loyvi skjótt, sigur felagið.

Hoyr Rógva Egilstoft Nielsen, borgarstjóra, og Brian Joensen, verkætlanarleiðara hjá SEV, í útvarpstíðindunum.