Heini Zacariassen keypt seg inn í føroyskt whisky

Seinastu dagarnir hava verið hendingaríkir hjá fólkunum handan whisky-verkætlanina Faer Isles. 

Avtala er gjørd um at byrja framleiðsluna av ginni í einum vinnubygningi í Vestmanna. Hetta inn til bygningarnir, sum skulu byggjast norðan fyri Kvívík, eru klárir. Hópfígggingin er byrjað og fleiri enn 460 partaeigarar úr 19 ymiskum londum hava keypt fyri fýra milliónir krónur. Og so keypti heimskendi íverksetarin Heini Zachariassen seg inn í Faer Isles.

Heini var við at stovna heimskendu vín-appina Vivino, sum so seint sum í februar fekk eina milliarda íspræning í felagið, tá svenska íløgufelagið Kennevik setti eina hálva milliard krónur í Vivino, umframt at onnur feløg eisini settu pengar í.

Men nú er tað so maðurin í Vivino, sum setur pengar í føroyska felagið, sum hann sær sum eina spennandi langtíðar íløgu, sum kann breiðka grundarlagið undir føroyska búskapinum.