Forkvinnuni fattast orð

5.743.207 krónur.

Tað var upphæddin, sum kom inn, tá Krabbameinsfelagið, Kringvarpið og Norðurlandahúsið í gjárkvøldið á øðrum sinni skipaðu fyri landsinnsavningini, Føroyar móti krabba. Í 2009 komu 5,2 milliónir inn.

Durita Tausen, forkvinna í Krabbameinsfelagnum, var fegin, tá tað gjørdist greitt, at fólk og fyritøkur í Føroyum í ár stuðla føroyska arbeiðinum móti krabbameini við stívliga 5,7 milliónum krónum.