Skúlanæmingar til skips við slupp

Aftur í ár stendur sættu flokkunum í fólkaskúlunum í Tórshavnar kommunu í boði at sleppa út at fiska við sluppini Westward Ho. 

Eins og undanfarin ár er tilboðið í ár skipað sum ein fiskikapping, sum samstundis gevur lærarum tilfar til lærugreinirnar heimkunnleiki og náttúra og tøkni. 
 
Túrarnir í ár vera frá 25. august til 7. september, 20 túrar, ein fyrrapart og ein seinnapart hvønn dag. Túrarnir vara fýra tímar og eitt korter.

Foreldur, ommur og abbar eru vælkomin við, skrivar heimasíðan torshavn.fo

Fiskitúrurin kostar 1.000 krónur fyri hvønn flokk.