FM í flogbólti avgjørt í dag

FM í flogbólti avgjørt í dag
Í dag verða avgerandi FM-finalurnar í flogbólti við bæði kvinnum og monnum. SÍ og Mjølnir eru favorittar í dystunum, sum Kringvarpið stroymir
Arthur Poulsen Djurhuus og hinir hjá ÍF eru undir trýsti í dag
 
03.04.2021 - 06:43

I dag verða avgerandi FM-finalurnar í flogbólti við bæði kvinnum og monnum spældar í høllini á Hálsi.

Dráttur og SÍ spæla hjá kvinnum, meðan Mjølnir og ÍF bresta saman hjá monnum.

Dráttur og ÍF undir trýsti

Hetta er onnur FM-finalan. Skírisdag vann SÍ sannførandi 3-0, meðan Mjølnir eisini vann ein uppibornan 3-1 sigur á ÍF.

Tað merkir, at Dráttur í fyrstu syftu skal vinna finaluna í dag, um tað skal eydnast teimum at verða føroyameistarar. Eydnast tað, skulu tær eisini vinna avgerandi gullsettið upp í 15.

Soleiðis er støðan eisini hjá ÍF.

Hjá SÍ og Mjølnir er nóg mikið at vinna sjálva finaluna.

Finalan millum Drátt og SÍ byrjar klokkan 15.00 og finalan millum Mjølnir og ÍF verður servað í gongd klokkan 18.00. Kringvarpið stroymir báðar dystirnar á heimasíðuni, kvf.fo.

 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF