Sverri silvur í EM í einskullara

Sverri silvur í EM í einskullara
Tað eydnaðist ikki Sverra Sandberg Nielsen at vinna EM í einskullara. Miðvingurin mátti taka til takkar við 2. plássi aftanfyri Oliver Zeidler
 
11.04.2021 - 14:17

Tað eydnaðist ikki Sverra Sandberg Nielsen at verja og vinna europameistarahetið í einskullara í Varese í Italia. 

27 ára gamli miðvingurin endaði á 2. plássi aftanfyri Oliver Zeidler úr Týsklandi, sum lá fremst mestsum allan vegin frá byrjan til mállinjuna.

Sverri Sandberg Nielsen byrjaði væl og skiftist um at liggja fremst við Oliver Zeidler og Kjetil Borch úr Noreg.

Komin hálvegis kom Stefanos Ntouskos upp á triðja pláss, og Sverri Sandberg Nielsen og grikkin kappaðust um silvurheiðursmerkið restina av róðrinum. 

Ein kapping, sum Sverri Sandberg Nielsen at enda vann sannførandi.

Men Zeidler fekk miðvingurin einki gjørt við á hesum sinni.

Sverri Sandberg Nielsen hevur sagt, at Olympisku leikirnir eru heilt stóra málið í ár, og at hann er í tungari venjing í løtuni. 

Er kopiera
Nýggjastu sendingar í ÚV
Nýggjastu sendingar í SV
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824