Sverri er nøgdur

– Hatta var fínasta slag.

Tað sigur Sverri Sandberg Nielsen, tá vit stutt eftir róðurin spyrja, hvat hann hevur at siga um úrslitið í EM-finaluni í einskullara.

Tað eydnaðist ikki Sverra Sandberg Nielsen at verja og vinna europameistarahetið í einskullara í Varese í Italia. 27 ára gamli miðvingurin endaði á 2. plássi aftanfyri Oliver Zeidler úr Týsklandi, sum lá fremst mestsum allan vegin frá byrjan til mállinjuna. Sverri Sandberg Nielsen er tó ikki vónbrotin um sítt 2. pláss.