![](https://kvf.fo/sites/default/files/styles/myndasavn-width/public/famjinstunnil.jpg?itok=4gnc9wGs)
- Tíðindi, mentan og ítróttur
Fara undir bergholið til Fámjins í ár
![](https://kvf.fo/sites/default/files/styles/grein-ovasta-mynd/public/20200929_kommunuval_famjins_kommuna_0054.jpg?itok=72Wg84OH)
Byggifyritøkur fáa nú møguleikan at verða undangóðkendar at bjóða upp á arbeiðið at gera tunnil til Fámjins, og at gera vegir í sambandi við bergholið.
Bergholið verður umleið 1200 metrar langt, og tað skal gerast frá vegnum oman fyri Ørðavík til vegin oman fyri Fámjin.
Haraftrat skulu gerast umleið 1.000 metrar av landsvegi oman fyri Ørðavík og umleið 400 metrar oman fyri Fámjin. Nýggjar íbindingar skulu gerast oman fyri Ørðavík og Fámjin til gomlu farleiðina upp um Ørðaskarð.
Samlaða vegalongdin verður umleið 2,6 kilometrar.
Ætlanin er at byrja í ár
Landsverk sigur, at ætlanin er at bjóða arbeiðið út seinni í ár, og at fara undir arbeiðið seint í hesum árinum.
Verkætlanin skal eftir ætlan verða liðug í seinasta lagi í 2023-2024.
Freistin at biðja um at verða undangóðkendur er fríggjadagin 14. mai klokkan 14.
Soleiðis hugsar Landsverk, at nýggi tunnilin til Fámjins fer at síggja út. (Mynd: Landsverk)