Magn: Jón Ásgeir fyri Jens Meinhard

Jens Meinhard Rasmussen er farin úr nevndini í Magn, nú hann hevur tikið við sum fyribilsstjóri í Smyril Line.

Tað sigur forstjórin í Magn, Finn Jakobsen, í tíðindaskrivi seinnapartin. 

Í nevndina er komin Jón Ásgeir Jóhannesson, og nevndin hevur skipað seg við honum sum formanni.

Jón Ásgeir Jóhannesson var nógv frammi fyri, undir og eftir skrædlið í íslendska búskapinum í 2008.

Hann varð dømdur í íslendska hægstarætti fyri skattasvik, men sjálvur helt hann tá, at dómurin var ein sigur fyri seg, og at einki álvarsligt lógarbrot varð prógvað.