- Tíðindi, mentan og ítróttur
Kanna um skipasmiðjur skulu fáa størri studning
Kanna um skipasmiðjur skulu fáa størri studning
Ein frágreiðing og tilmæli um studningin verða latin landsstýrismanninum í vinnumálum hálvan mai, og tá byrjar politiska viðgerðin
Landsstýrismaðurin sigur, at skipasmiðjuvinnan hevur biðið um, at studningurin hækkar
29.04.2021 - 08:49
Umhvørvis- og Vinnumálaráðið kannar nú, um skipasmiðjurnar skulu fáa størri studning.
Tær fáa nú, sambært lóg frá 1996, átta prosent í studningi til nýbygging og umbygging.
Ein frágreiðing og tilmæli um studningin verða latin landsstýrismanninum í vinnumálum hálvan mai. Og tá byrjar politiska viðgerðin.
Tað sigur Helgi Abrahamsen, landsstýrismaður, í svari til Jóhan Eli Poulsen, løgtingsmann.
Landsstýrismaðurin sigur, at skipasmiðjuvinnan hevur biðið um, at studningurin hækkar.
Spurningurin um at minka útlátið frá skipum er við í arbeiðinum at gera frágreiðingina.
Er kopiera
Nýggjastu sendingar í ÚV
Nýggjastu sendingar í SV
