Fleiri 1. mai dagshald

Í dag er 1. mai, og í Havn skipar Havnar arbeiðarafelag fyri 1. maidagshaldi kl 15 á Vaglinum.

Teir tríggir røðararnir eru Høgni Hoydal, formaður í Tjóðveldi, Helena Dam á Neystabø, fyrrverandi løgtingskvinna, og Kári Johansen, býráðslimum og limur í Havnar arbeiðarafelag. Havnar Hornorkestur spælir. Útvarpið sendir frá 1. maidagshaldinum í Havn.

Í Vestmanna skipar Vestmanna Arbeiðarafelag, Norðstreymoyar Tjóðveldisfelag og Norðstreymoyar Javnaðarfelag fyri 1. mai-dagshaldi á Reyða torginum. 

Røðarar verða Georg F. Hansen, formaður í Føroya Arbeiðarafelags, og Mary Antonsdóttir, forkvinna í Heilsuhjálparafelag Føroya.

Vestmanna Hornorkestur spælir.