Studni kann lata føroyskum næmingum stuðul

Nú eru bæði lóg og kunngerð, sum siga, at Studni skal gjalda føroyskum næmingum í United World College Red Cross Nordic í Noregi stuðul.

Stuðul er kortini goldin higartil, men heimildin at gjalda datt úr lógini um gymnasialar miðnámsútbúgvingar í 2012. 

Nú er lógarheimildin komin aftur, og eitt uppskot um kunngerð er gjørt.

Sambært uppskotinum kann Studni geva studning til skúlagjald íroknað mat og innivist í tvey ár.

Treytin er, at ein næmingur verður tikin inn um árið, og hann gongur í tvey ár í skúlanum.