Nú verður Ternan flotað

Leingi er tað, ið væl skal vera.

 Strandfaraskipið Ternan verður nú flotað.

Hon verið til klassingar á sleipistøðini í Klaksvík síðani í heyst.

Ætlanin var, at Ternan skuldi fara aftur í sigling fyri jól, men av tí at so nógv hevur verið at gera við skipið, er tað úrsett fleiri ferðir.

Erla Kongsdóttir hevur verið avloysaraskip á nólsoyarleiðini.

Tá Ternan er flotað aftur, verður hon royndarsigld.

Hilmar Eliasen, stjóri á Strandferðsluni, hevur sagt, at Ternan eftir ætlan fer í sigling aftur um vikuskiftið.