Sjey ára fongsul, men dómurin er kærdur

Nevningatingið, sum hevur viðgjørt rættarmálið móti einum 37 ára gomlum manni, ið varð ákærdur fyri drápsroynd, dømdi seinnapartin mannin sjey ára fongsulsrevsing.

Nevningatingið dømdi í gjár mannin sekan í øllum ákærum.

Dømdi maðurin avgjørdi alt fyri eitt at skjóta bæði revsingina og skuldarspurningin inn fyri landsrættin. Verjin helt, at seks ára fongsul var nóg hørð revsing. 

Ákæruvaldið, sum kravdi 10 ára fongsul, fer eisini at kæra dómin til landsrættin. 

Sambært nýggju rættargangslógini, sum kom í gildi 1. januar, ber nú til bæði at kæra revsing og skuldarspurning. Eftir gomlu lógini kundi bara revsingin kærast til landsrættin.