- Tíðindi, mentan og ítróttur
Tørvur á fleiri kommunlæknahølum í Havn
Tørvur á fleiri kommunlæknahølum í Havn
Málið kemur til viðgerðar á býráðsfundinum í kvøld
Tá viðtaluhølini í Kirkjustræti í Hoyvík vórðu bygd í 2019, var tørvurin nøktaður, men longu nú er brúk fyri fleiri viðtaluhølum
27.05.2021 - 09:04
Læknahølini í Berjabrekku í Havn verða nú útbygd og umbygd, so har verður pláss fyri fleiri kommunulæknum.
Har eru tvær viðtalur nú, men bara ein lækni. Eftir útbyggingina verða fimm viðtalur í Berjabrekku.
Hølini verða klár í januar 2023, sigur kommunan.
Fólkatalið í Havn er vaksið so nógv seinastu árini, at brúk er fyri fleiri kommunulæknum.
Fult í Kirkjustræti
Tá nýggj kommunulæknaviðtala við fimm læknum kom í Kirkjustræti í 2019, var táverandi tørvur nøktaður. Men longu nú er brúk fyri fleiri kommunulæknaviðtalum.
Sum er kunnu fólk ikki velja kommunulækna, tí viðtalurnar eru fullar.
Heilsutrygd hevur mælt Heilsumálaráðnum til at seta trý nýggj kommunulæknastørv, eitt í Suðurstreymi.
Men Tórshavnar kommuna hevur eingi høli sum er. Tí verður útbygt í Berjabrekku.
14 kommunulæknar eru í Tórshavnar kommunu.
Ætlanin er at byggja fleiri læknaviðtaluhøli í Berjabrekku.
Er kopiera
Nýggjastu sendingar í ÚV
Nýggjastu sendingar í SV
