Ringvegur fyri 288 milliónir

Tórshavnar kommuna væntar, at arbeiðið at gera uttara ringvegin fer at kosta 288 milliónir krónur og verður liðugt í 2025. Arbeiðið inniber m.a. eina rundkoyring við fýra frákoyringum oman fyri Sandvíkarhjalla, eina rundkoyring við Villingardalsvegin/Sundsvegin og ein tunnil út í eina rundkoyring við Hotel Føroyar. Landskassin hevur játtað fíggjarligan stuðul, tó í mesta lagi 110 milliónir.

P/F Eystur- & Sandoyartunlar rindar fyri strekkið, frá tunnilsmunnanum við Eysturoyartunnilin til og við rundkoyringina oman fyri Sandvíkarhjalla. Tann kostnaðurin kemur omaná tær 288 milliónir krónurnar, sum ringvegurin annars er mettur at kosta.