Hava vunnið hvørja ferð ímóti Liktinstein

Hava vunnið hvørja ferð ímóti Liktinstein
Føroyar hava spælt ímóti Liktinstein fimm ferðir. Hvørja ferð hevur talan verið um venjingardyst, og hvørja ferð hava Føroyar vunnið
Sonni Ragnar Nattestad skeyt mál ímóti Liktinstein í 2018
 
07.06.2021 - 13:00

Í kvøld spæla Føroyar og Liktinstein venjingardyst á Tórsvølli. 

Júst Liktinstein er eitt lið, sum føroyska landsliðið hevur góð hagtøl ímóti. 

Í fimm venjingardystum ímóti miðevropeiska fúrstadøminum hevur føroyska liðið vunnið allar.

Fyrsti dysturin var á útivølli í høvuðsstanum, Vaduz, í 2000. Ta ferðina skeyt Uni Arge einasta málið í 71. minutti. Tvey ár seinni avgjørdi Uni Arge aftur í 1-0 sigri á Kypros.

Sama ár spældu Føroyar og Liktinstein eisini venjingardyst á Tórsvølli. Stóri profilurin hjá Liktinstein, Mario Frick, sum spældi 125 landsdystir millum 1993 og 2015, legði útiliðið á odda í fyrra hálvleiki, men eftir steðgin vendu Christian Høgni Jacobsen, Fróði Benjaminsen og Julian Johnson dystinum. 

Síðan gingu 14 ár, áðrenn londini aftur hittust. Í 2016 var dystur í Marbella í suðurspania. Brandur H. Olsen, Jóan Símun Edmundsson og Sølvi Vatnhamar góvu Føroyum eina 3-0 leiðslu, áðrenn Liktinstein minkaði til 3-2 seint í dystinum.

Seinasti dysturin millum Føroyar og Liktinstein var eisini í Marbella í 2018, og tann dysturin endaði við tryggum 3-0 sigri. Kaj Leo í Bartalsstovu, Brandur H. Olsen og Sonni Ragnar Nattestad skutu málini. 

Í kvøld hittast londini so fyri sættu ferð. Talan er um venjingardyst á Tórsvølli, og Føroyar mugu metast vera favorittur.

 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442